N4: Hundurinn fámáll um stöðu efnahagsmála

Björn Þorláksson gerði í morgun tilraun til þess að taka viðtal við hund, fyrir Föstudagsþátt akureyrsku sjónvarpsstöðvarinnar N4, en þátturinn verður sýndur í kvöld. Gesturinn var spurður um ástandið í efnahagslífi þjóðarinnar, en mun hafa verið fámáll.

Björn spurði hvað hundinum fyndist um ástandið í efnahagslífi þjóðarinnar. Björn segist hafa viljað velta upp þeirri spurningu hvort það að fá hund í settið væri verri hugmynd en að fá stjórnmálamenn í spjall; stjórnmálamenn sem margir hverjir virðast sekir um lýðskrum og ábyrgðarleysi gagnvart almenningi, eins og hann kemst að orði.

Sýning þáttarins hefst kl. 18.20 í dag en viðtalið við hundinn er í lokin. Föstudagsþátturinn verður endursýndur á klukkustundarfresti til morguns og má sjá hann á rás 15 á Digital Island.

• 1 blogg um fréttina

Bloggað um fréttina

• Frikkinn: Hundur í Bjarmalandsför.