Vill passa forsetadæturnar

Kvikmyndaleikkonan Anne Hathaway hefur lýst yfir áhuga á að starfa fyrir Obama í Hvíta húsinu. Draumastarfið er að vera barnfóstra fyrir forsetahjónin. „Ég myndi elska að fá að vera barnfóstra, algjörlega,“ sagði Hathaway í viðtalið við People-tímaritið.

Hún er ekki eina stjarnan sem myndi hoppa á það tækifæri að fá að eyða tíma með dætrum Obama, Söshu, 7 ára, og Maliu, 10 ára. Corbin Bleu úr High School Musical-myndunum hefur látið í ljós að hann myndi glaður vilja vera einkaskemmtikraftur forsetadætranna. „Þær virðast vera mjög elskulegar stúlkur og vel uppaldar. Svo ég myndi glaður vinna sem skemmtikrafturinn þeirra.“