Þýskir gagnrýnendur lítt hrifnir af Cruise

Þýskir kvikmyndagagnrýndur eru ekki ýkja hrifnir af túlkun Tom Cruise sem Claus von Stauffenberg, sem gerði tilraun til að ráða Adolf Hitler af dögum árið 1944. Í rauninni má segja að þeir hafi tætt Cruise í sig. Þeir fagna því hins vegar að Hollywood hafi ákveðið að gera kvikmynd um þýska hetju.

Margir Þjóðverjar hafa beðið í ofvæningi eftir kvikmyndinni Valkyrie, ekki hvað síst vegna þess að Stauffenberg er goðsögn í landinu.

Flestir gagnrýndur segjast ekki hafa ekki gert miklar væntingar til Cruise í hlutverki Stauffenbergs. Þeir fáu sem það gerðu segjast hafa orðið fyrir vonbrigðum.

„Flatur“ og „svipbrigðalaus“ er á meðal þeirra orða sem gagnrýnandi dagblaðsins Tagesspiegel notar.

• 1 blogg um fréttina

Bloggað um fréttina

• Ingi Örn Hafsteinsson: Dont let them get you down Cruise