Þingmaður reyndi að kúga fé út úr Travolta

Lögregla á Bahamaeyjum hefur handtekið þingmann og bráðaliða, sem grunaðir eru um að hafa reynt að kúga fé út úr bandaríska kvikmyndaleikaranum John Travolta í tengslum við dauða sonar hans í byrjun janúar.

Bráðaliðinn, sem starfar við að aka sjúkrabíl, var handtekinn í dag. Hann hefur komið fram í fjölmiðlum og lýst því hvernig reynt var að lífga Jett Travolta við. Jett, sem var 16 ára, fékk flog í sumarhúsi fjölskyldunnar á Grand Bahama og lést. Hann átti við vanheilsu að stríða.

Í gær var þingmaðurinn Pleasant Bridgewater handtekinn og hefur verið í yfirheyrslum síðan vegna málsins.

Ekki hefur verið upplýst hvernig reynt var að kúga fé út út Travolta. Hann og eiginkona hans, leikkonan Kelly Preston, fóru til Flórída, þar sem þau búa, með ösku sonar síns.  

• 2 blogg um fréttina

Bloggað um fréttina

• Ómar Ingi: Hvað er þetta með þingmenn !
• Tómas Þráinsson: Hvað er þetta með pólitíkusa og spillingu???