Komin í meðferð

Kelly Osbourne, hin 24 ára gamla dóttir rokkarans Ozzy Osbourne, er komin í meðferð.

Móðir stúlkunnar, Sharon, staðfesti að Kelly hefði skráð sig inn á meðferðarheimili rétt utan við Los Angeles.

„Já, Kelly er komin í meðferð. Hvað getum við meira sagt? Hún vissi að þetta væri það eina rétta í stöðunni á þessum tímapunkti og við erum stolt af henni að gera það. Öll fjölskyldan stendur henni að baki. Kelly vissi að hún þyrfti á hjálp að halda og hún er að leita eftir henni,“ sagði Sharon.

Móðirin neitaði þó að gefa upp gegn hverju meðferðin nákvæmlega væri, en Kelly hefur tvisvar sinnum farið í meðferð áður, en í báðum tilfellum var hún háð verkjalyfjum.

Búist er við að meðferðin taki um mánuð.