Dylan í Pepsi-auglýsingu?

Bú­ist er við því að banda­ríski tón­list­armaður­inn Bob Dyl­an muni syngja í Pepsi-aug­lýs­ingu sem sýnd verður í kring­um Super Bowl, úr­slita­leik­inn í banda­ríska fót­bolt­an­um á sunnu­dag­inn. Á vefsíðunni pitch­forkmedia.com kem­ur fram að Dyl­an syngi lagið með Will.I.Am úr hljóm­sveit­inni Black Eyed Peas, en lagið mun vera samið sér­stak­lega fyr­ir Pepsi.

Dyl­an hef­ur hingað til ekki verið þekkt­ur fyr­ir að taka þátt í aug­lýs­ing­um af neinu tagi, en spurn­ing­in er hvort heimskrepp­an hafi haft sín áhrif að þessu sinni.