Forsaga The Thing í bígerð

Sextán ár eru liðin síðan meistarastykki leikstjórans Johns Carpenter The Thing kom út. Myndin varð umsvifalaust að eins konar költ-mynd og ekki skemmdi að tónlistin, sem er eftir Carpenter sjálfan, þótti ótrúlega góð þó vissulega væri hún framúrstefnuleg.

Nú, sextán árum síðar hefur verið ákveðið að gera framhald af myndinni en mörgum eflaust til mikillar mæðu mun Carpenter ekki koma nærri þeirri vinnu. Nýja myndin kemur til með að segja forsögu fyrri myndarinnar þar sem Kurt Russell fór á kostum í baráttu sinni við geimskrímslið.

Nýja handritið verður skrifað af Ronald D. Moore sem er þekktastur fyrir aðkomu sína að Battlestar Galactica-sjónvarpsþáttunuma en myndinni sjálfri verður leikstýrt af Matthijs Van Heijningen sem hingað til hefur einungis fengist við gerð sjónvarpsauglýsinga.