Barlow bestur í Bretlandi

Tónlistarmaðurinn Gary Barlow, sem er hvað þekktastur sem forsprakki drengjasveitarinnar Take That, hefur verið valinn besti breski lagahöfundur allra tíma. Þar með sló Barlow við goðsögnum á borð við John Lennon og Paul McCartney. Það var rannsóknarfyrirtækið Onepoll sem gerði könnunina, en úrtakið var 3.000 manns.

Fjölmörg laga Barlows hafa náð á toppinn í Bretlandi, en þar á meðal eru lög Take That á borð við „Pray“, „Back for Good“ og „Patience“. Þá hefur hann einnig samið töluvert af lögum fyrir aðra flytjendur, svo sem Charlotte Church og strákabandið Blue.

Bestu bresku lagahöfundar allra tíma samkvæmt könnuninni: 1. Gary Barlow 2. John Lennon 3. Sir Paul McCartney 4. Chris Martin 5. George Michael 6. Bee Gees 7. Noel Gallagher 8. Robbie Wil liams 9. Sting 10. Kate Bush