Í fóstri hjá Flóka

Alfreð Flóki var ein af barnfóstrum Helga Hjörvars alþingismanns í Kaupmannahöfn en þeir Úlfur, faðir Helga, voru vinir. „Einu sinni fóru pabbi og mamma í ferð til Póllands og ég var skilinn eftir hjá Flóka. Þegar þau komu heim var sagt að á öllum búllunum á leiðinni frá dagmömmunni og heim til Flóka hefðu menn þekkt fimm ára gamlan strákinn með fornafni og vitað hvernig hann vildi fá appelsínið sitt!“

Þessi saga Helga Hjörvar af myndlistarmanninum Alfreð Flóka er meðal annarra í Lesbók í dag þar sem fjallað er um sýningu er opnuð var í vikunni.