Hætt keppni í Alaska

Íslend­ingaliðið sem tek­ur þátt í vélsleðakeppn­inni The Tesoro Iron Dog Race í Alaska, varð að hætta keppni í dag. Vegna fimb­ul­kulda varð liðið að stoppa í Galena  til að lag­færa sleðana. Keppn­is­stjórn mat það svo að liðið næði ekki í tíma til Nome, áður en fyrstu kepp­end­ur ækju braut­ina til baka og bannaði því Íslend­ing­un­um að halda áfram. Fjög­ur af sjö liðum í flokki Íslend­ing­anna voru stöðvuð og átta lið í at­vinnu­manna­flokki.

Frost­hörk­ur gerðu þátt­tak­end­um í vélsleðakeppn­inni erfitt fyr­ir í dag frostið fór niður í 60 gráður. Ef tekið er til­lit til áhrifa vind­kæl­ing­ar mæl­ist frostið 92 gráður á cel­síus.

Hjón­in Sig­ur­jón Pét­urs­son og Þóra Hrönn Njáls­dótt­ir sem ræstu ásamt 83 kepp­end­um á sunnu­dag, urðu að hætta keppni í dag. Þau lentu í vand­ræðum á leiðinni frá Ruby til Galena og þurftu að láta lag­færa sleðana í Galena en högg­deyf­ar hrein­lega frusu fast­ir. Þau ákváðu að gista í Galena í nótt og ætluðu að halda för­inni áfram, ásamt tveim­ur liðsfé­lög­um, á morg­un. Keppn­is­stjórn mat það hins veg­ar svo að þau næðu ekki í tíma til Nome, áður en fyrstu keppn­islið sneru við frá Nome. Braut­in er það þröng að ekki þótti á það hætt­andi að láta sleða aka í báðar átt­ir.

Þóra Hrönn flaug frá Galena til Nome en fé­lag­ar henn­ar þrír ætla að aka á sleðunum til Fair­banks þaðan sem þeir fljúga til Nome. Þangað ættu þeir að koma eft­ir tvo sól­ar­hringa.

Haft er eft­ir Þóru á heimasíðu þeirra hjóna að hún hafi skemmt sér kon­ung­lega en keppn­in hafi verið allt öðru­vísi en hún hafði ímyndað sér.

Heimasíða Sig­ur­jóns og Þóru

• 1 blogg um frétt­ina

Bloggað um frétt­ina

• Bryn­dís Svavars­dótt­ir: Von­brigði...