Nýja U2-platan á netið

Plötunni No Line On The Horizon, nýjustu hljóðversskífu írsku rokkhljómsveitarinnar U2, hefur verið lekið á netið, um viku fyrir formlegan útgáfudag hennar.

Er lekinn rakinn til þess að platan hafi fyrir mistök verið vistuð sem stafræn færsla á netinu af hálfu starfsmanna Universal Music Australia, Ástralíudeildar útgáfufyrirtækis sveitarinnar.

Raunar hefur platan áður lekið á netið því síðasta sumar var söngvarinn Bono grandalaus að spila hana í hæstu hæðum í sumarhúsi sínu á meðan forvitinn gestur tók hana upp utandyra.

Aðdáendum sveitarinnar er farið að lengja í gripinn sem var tekinn upp að hluta í Marokkó.

Platan kemur út mánudaginn 2. mars í Evrópu og svo daginn eftir í Bandaríkjunum.

Platan, sem inniheldur 11 lög, mun koma út í nokkrum útgáfum.

• 2 blogg um fréttina

Bloggað um fréttina

• Gísli Foster Hjartarson: Hreint topp stykki þessi plata
• Pálmi Freyr Óskarsson: 3 ný U2-lög til niðurhals