Veröld/Fólk | 1 Fólk - fréttir | mbl | 23.2.2009 | 5:16 | Uppfært 13:10

Viltu vinna milljarð? sigraði

Mynd 1 af 26 Leikkonur, sem hafa fengið Óskarsverðlaun fyrir leik í aðalhlutverki, afhentu Kate Winslet verðlaunin. Reuters

Mynd 2 af 26 Kate Winslet með verðlaun sín fyrir besta leik í aðalhlutverki fyrir myndina Reader. Reuters

Mynd 3 af 26 Danny Boyle í hópi leikstjóra. Reuters

Mynd 4 af 26 Verðlaunaleikararnir Kate Winslet, Sean Penn og Penélope Cruz. Reuters

Mynd 5 af 26 Steven Spielberg veitti Reuters

Mynd 6 af 26 Sean Penn þakkar fyrir verðlaunin, sem hann hlaut fyrir myndina Milk. Reuters

Mynd 7 af 26 Hjónin Sean Penn og Robin Wright Penn. Reuters

Mynd 8 af 26 Micky Rourke var tilnefndur fyrir leik en fékk ekki verðlaun. Reuters

Mynd 9 af 26 Hjónin Kevin Kline og Phoebe Cates. Reuters

Mynd 10 af 26 Sir Anthony Hopkins var meðal þeirra sem veittu verðlaun. Reuters

Mynd 11 af 26 Hjónin Seal og Heidi Klum. Reuters

Mynd 12 af 26 Hjónin Matthew Broderick og Sarah Jessica Parker. Reuters

Mynd 13 af 26 Hjónin Jay og Mavis Leno. Reuters

Mynd 14 af 26 Christopher Walken. Reuters

Mynd 15 af 26 Óperusöngvarinn Plácido Domingo. Reuters

Mynd 16 af 26 Una Thurman veitti verðlaun. Reuters

Mynd 17 af 26 Hjónin Robert De Niro og Grace Hightower. Reuters

Mynd 18 af 26 Halle Berry og Gabriel Aubry. Reuters

Mynd 19 af 26 Ben Kingsley. Reuters

Mynd 20 af 26 Shriley McLain. Reuters

Mynd 21 af 26 Danny Boyle með verðlaun fyrir bestu leikstjórn. Reuters

Mynd 22 af 26 Heath Ledger fékk verðlaun fyrir leik sinn í myndinni Dark Knight. Systir hans tók við verðlaununum en Ledger lést fyrir rúmu ári. Reuters

Mynd 23 af 26 Verðlaunaðar leikkonur afhenti Penélope Crus verðlaun fyrir leik í aukahlutverki. Reuters

Mynd 24 af 26 Angelina Jolie og Brad Pitt voru bæði tilnefnd til verðlauna en fengu hvorugt. Reuters

Mynd 25 af 26 Ben Stiller var torkennilegur þegar hann veitti verðlaun ásamt Natalie Portman. Reuters

Mynd 26 af 26 Jack Black. Reuters

Breska kvikmyndin Slumdog Millionaire, sem nefnd er Viltu vinna milljarð? hér á landi, fékk 8 Óskarsverðlaun í nótt og var m.a. valin besta myndin og Danny Boyle var útnefndur besti leikstjórinn.

Indverska tónskáldið A.R. Rahman fékk verðlaun bæði fyrir besta lagið og tónlist í Viltu vinna milljarð? og myndin fékk einnig verðlaun fyrir handrit, kvikmyndatöku, hljóðsetningu og klippingu.

Breska leikkonan Kate Winslet fékk verðlaun fyrir besta leik í aðalhlutverki fyrir myndina The Reader og bandaríski leikarinn Sean Penn var valinn besti leikarinn í aðalhlutverki fyrir myndina Milk. Sú mynd fjallar um ævi bandaríska stjórnmálamannsins Harvey Milk, sem var baráttumaður fyrir réttindum samkynhneigðra.

„Þakka ykkur fyrir, þakka ykkur fyrir, komma- hommadýrkendur. Ég átti ekki von á þessu," sagði Penn þegar hann tók við verðlaununum. Hann hvatti í þakkarræðu sinni andstæðinga hjónabands fólks af sama kyni að endurskoða afstöðu sína.

Winslet, sem fimm sinnum áður hefur verið tilnefnd til Óskarsverðlauna, viðurkenndi að hana hafi lengi dreymt um að fá þessi verðlaun. „Ég segði ósatt ef ég segðist ekki hafa undirbúið útgáfu af þessari ræðu áður. Ég held að ég hafi verið átta ára, horfði í baðherbergisspegilinn og talaði í sjampóbrúsa."

Ástralski leikarinn Heath Ledger fékk Óskar fyrir besta leik í aukahlutverki í myndinni The Dark Knight en Ledger lést fyrir rúmu ári. Spænska leikkonan Penélope Cruz fékk verðlaun fyrir besta leik í aukahlutverki fyrir myndina Vicky Cristina Barcelona. Þá var japanska myndin Departures valin besta erlenda myndin.

Kvikmyndin The Curious Case of Benjamin Button, sem fékk 13 tilnefningar, fékk þrenn verðlaun fyrir listræna stjórnun, förðun og tæknibrellur.