Schwarzenegger leikur ríkisstjóra

Síðar á árinu mun ríkisstjóri Kaliforníu og leikarinn Arnold Schwarzenegger takast á við eitt auðveldasta hlutverkið á ferlinum - leika sjálfan sig í myndinni „The Expendables“ eftir Sylvester Stallone.

Síðan Schwarzenegger tók við ríkisstjórastarfinu árið 2003 hefur hann aðeins leikið þrjú lítil gestahlutverk í myndum vina sinna. Tökur á „The Expendables“ hefjast í lok mars í Brasilíu en atriði Schwarzenegger verður tekið í Los Angeles. Hlutverkið verður kunnuglegt; Ríkisstjóri Kaliforníu.

Stallone skrifar, leikstýrir og leikur í myndinni sem fjallar um hóp málaliða sem reyna að steypa s-amerískum einræðisherra af stóli. Aðrir leikarar í myndinni verða Jet Li, Dolph Lundgren, Eric Roberts, Mickey Rourke og Forest Whitaker.

• 1 blogg um fréttina

Bloggað um fréttina

• Haukur Baukur: Alls ekki auðvelt