Kvartað vegna fötlunar
Setja bókamerki
Stjórnandi barnatíma á BBC hefur mætt gagnrýni foreldra og 25 opinberar kvartanir hafa borist sjónvarpsstöðinni. Ástæðan er fötlun umsjónarmannsins, Cerrie Burnell, en á hana vantar annan framhandlegginn. BBC hafa borist yfir 25 opinberar kvartanir auk þess sem bloggheimar loga af neikvæðum ummælum um Burnell.
Foreldrar kvarta m.a. yfir því að vegna fötlunar Burnell neyðist þeir til að ræða um fatlað fólk við börnin sín. Þess má þó geta að sjónvarpsstöðin hefur einnig fengið jákvæð viðbrögð. Burnell hóf störf í lok janúar og hún hefur sagst ekki munu láta neikvæða gagnrýni aftra sér við störf.
„Það getur ekki verið nema jákvætt að foreldrar noti mig sem tækfæri til að ræða um fatlaða við börnin sín. Það sýnir bara hversu mikilvægt það er að hafa fatlaða sem fyrirmyndir í barnatímum og í sjónvarpi almennt,“ segir Burnell.
Spara stórfé með olíukaupum ytra
Heitt vatn fannst sem gæti annað 10 þúsund manns
Einar skorar á næstu ríkisstjórn
Erlendir miðlar greina frá tíunda gosinu
Sáu eldgosið brjótast út frá Snæfellsnesi
Óttast að fólk fari aftur að eyða peningum
Hraun fór yfir Grindavíkurveg
Gosið gæti varað lengur: Meiri fyrirstaða í gosrásinni