Óskarinn á klósettið

Leikkonan Kate Winslet, sem fékk Óskarsverðlaunin fyrir leik sinn í Lesaranum, ætlar að koma styttunni frægu fyrir á heldur ólíklegum stað á heimili sínu.
Winslet er gift leikstjóranum Sam Mendes, sem einnig hefur hlotið Óskar. Í samtali í Daily Mail segir hún að styttan verði í baðherberginu, við hliðina á styttu Mendesar.

„Ég tek hana ekki með mér í vinnuna. Ég held áfram að vinna eins og ég hef alltaf gert. Ég vona að verðlaunin breyti engu um það hvernig aðrir leikstjórar og leikarar vinna með mér.“

Winslet segist orðin þreytt á að klæðast glæsilegum kvöldkjólum á hverri verðlaunahátíðinni eftir aðra og hyggst mæta næst í þægilegum náttfötum.
 

• 2 blogg um fréttina

Bloggað um fréttina

• Gísli Foster Hjartarson: Skítalykt af málinu!!!
• Frikkinn: Góður geymslustaður