Mótmæla konunglegu brúðkaupi á Facebook

Þúsundir Svía hafa nú skráð sig á síður á Facebook samskiptavefnum þar sem að mótmælt er væntanlegum kostnaði vegna brúðkaups krónprinsessunnar Viktoríu. Eru mótmælin tilkomin þar sem að fólkið er allt annað en sátt með að skattpeningar almennings verði notaðir til að greiða fyrir brúðkaup prinsessunnar og Daniels Westlings.

Talið er að brúðkaupið komi til með að kosta 25 milljónir skr. að  sögn sænska dagblaðsins Expressen. Telur sænski vinstriflokkurinn að konungsfjölskyldan verði sjálf að greiða fyrir herlegheitin en hinir sex þingflokkarnir telja ríkið eiga að leggja sitt af mörkum. 

Og þeim fjölgar stöðugt sem skrá sig á mótmælasíðurnar. Fésbókarhópurinn „Neita að borga fyrir brúðkaup Viktoríu“ er þannig kominn með 26.000 meðlimi. 

 Eina ástæðu mótmælanna má rekja til fjármálakreppunnar. Ekki sé réttlátt að skattpeningar séu notaðir í slík veisluhöld á sama tíma og fólk sé að missa vinnuna og eigi erfitt með að láta enda ná saman.  

• 2 blogg um fréttina

Bloggað um fréttina

• Björn Jónsson: Aumingjans Svíarnir...
• Frikkinn: Sænskir sauðir