Kastaði grænum búðingi á ráðherra

Peter Mandelson, viðskiptaráðherra Bretlands, fékk frekar kaldar kveðjur þegar hann ætlaði að halda ræðu um loftslagsmál. Kona nokkur vatt sér að honum og skvetti framan í hann grænum búðingi. Breskar sjónvarpsstöðvar voru að sýna beint frá ferðum Mandelsons og því sáu milljónir manna atvikið.

Í ljós kom að konan, sem heitir Leila Deen, er félagi í samtökunum Plane Stupid, sem berjast gegn áformum breskra stjórnvalda um að stækka Heathrow flugvöll við Lundúni. 

Mandelson sagði á eftir, að sem betur fer hefði verið búðingur en ekki málning í ílátinu, sem Deen skvetti úr.

• 1 blogg um fréttina

Bloggað um fréttina

• Ingibjörg Magnúsdóttir: Hvað varð um gula búðingin hennar mömmu?