Myndi hætta að syngja fyrir fullt og allt

Breska söngkonan Amy Winehouse er víst til–búin til að gera allt til að vinna aftur hjarta eiginmanns síns Blake FielderCivil. Hann situr nú í fangelsi og fór fram á skilnað við Winehouse eftir að fréttir bárust af því að hún hefði hitt aðra karlmenn í Karíbahafinu. Winehouse mun hafa skrifað á Facebook-síðuna sína nokkrum dögum eftir að hún sneri aftur til Englands: „Amy myndi hætta öllu til að fá hann aftur“. Og stuttu síðar skrifaði hún: „Ekkert er dýrmætara en Blake“. Vinir Winehouse eru hins vegar ekki eins vissir um kosti þess að hjónin taki aftur saman og benda á að Blake hafi þegar leyft 17 ára stúlku sem hann er orðaður við, að flytja inn til sín í Camden í London. Á sama tíma hefur Winehouse tekið upp betra líferni, borðar nú almennilegan mat í stað áfengis og eiturlyfja. Þá er bara að sjá hvað Blake finnst um ástarjátninguna.