Aniston gefst upp á karlmönnum

Kvikmyndaleikkonan Jennifer Aniston er nú sögð hafa misst trúna á að hún muni finna ástina að nýju eftir að slitnaði upp úr sambandi hennar og tónlistarmannsins John Mayer.   

„Alveg frá því Jennifer og Brad skildu hefur hún leitað ákaft að öðrum manni sem gæti stolið hjarta hennar og orðið henni sá eiginmaður sem hana hefur alltaf dreymt um. Nú gerir hún sér hins vegar grein fyrir því að það er nær ómögulegt að nokkur maður geti fetað í fótspor Brad,” segir ónefndur heimildarmaður bandaríska tímaritsins “OK!”

„Jennifer hefur gefið mikið af sjálfri sér í þau sambönd sem hún hefur verið í frá skilnaðinum en nú eru þau öll þrjú runnin út í sandinn."

 Frá skilnaði Aniston og Pitt árið 2005 hefur Aniston verið orðið við  leikarann Vince Vaughn, sem lék á móti henni í myndinni  “The Break-Up” og bresku fyrirsætuna Paul Sculfor auk Mayers. 

Heimildarmaðurinn segir hana þó ekki líklega til að láta þetta koma í veg fyrir að hún uppfylli draum sinn um að eignast börn. „Jennifer langar meira en nokkuð annað, til að verða móðir. Hana hefur dreymt um það frá því hún var lítil stelpa og sú staðreynd að hún eigi ekki maka mun ekki koma í veg fyrir að hún láti það verða að veruleika.

• 1 blogg um fréttina

Bloggað um fréttina

• Steinþór Ásgeirsson: Gefst upp!!