Snýr Robbie aftur í Take That?

Breska popp­stjarn­an Robbie Williams seg­ist vera reiðubú­inn að ganga aft­ur til liðs við fé­laga sína í stráka­sveit­inni Take That. Gömlu fé­lag­arn­ir vilji auk þess ólm­ir fá hann aft­ur.

Williams seg­ir í viðtali við breska dag­blaðið The Mirr­or að lík­urn­ar á end­ur­fund­un­um auk­ist dag frá degi. Hann seg­ist heyra reglu­lega í gömlu fé­lög­un­um.

Williams, sem er 35 ára, yf­ir­gaf sveit­ina árið 1995 í fússi og talaði ekki við Gary Bar­low í mörg ár. Árið 1996 lagði Take That svo upp laup­ana. Hljóm­sveit­in sneri aft­ur árið 2006 án Robbie Williams og hef­ur gert það gott síðan.

Ekki hef­ur feng­ist staðfest frá tals­mönn­um Take That hvort Williams muni ganga aft­ur til liðs við hljóm­sveit­ina.

Williams seg­ist hafa þrosk­ast mikið frá því hann hætti í sveit­inni og að deil­urn­ar séu nú að baki.

Take That hef­ur átt mik­illi vel­gengni að fagna að und­an­förnu. AP

• 2 blogg um frétt­ina

Bloggað um frétt­ina

• Jac Norðquist: Bara fokk­ing æðis­legt !
• Sig­ríður Gísla­dótt­ir: Ég vona það!