Skrímsli og geimverur njóta vinsælda vestanhafs

Teiknimyndin Monsters vs. Aliens gerði það mjög gott í bandarískum kvikmyndahúsum um helgina, en ævintýramyndin fór beint á toppinn vestanhafs. Hún þénaði 58,2 milljónir dala, sem er stærsta frumsýningarhelgin það sem af er þessu ári.

Eins og nafnið gefur til kynna þá fjallar myndin um skrímsli sem lenda í átökum við geimverur. Meðal þekktra leikara sem tala inn á teiknimyndina eru Reece Witherspoon, Kiefer Sutherland og Seth Rogen.

Teiknimyndin skákaði draugasögunni The Haunting In Connecticut, sem hafnaði í öðru sæti.

Að sögn sérfræðinga hefur miðasala gengið vel það sem af eru þessu ári. Kreppan virðist ekki hafa neikvæð áhrif á hana.

10 vinsælustu myndirnar vestanhafs eru eftirfarandi:

1. Monsters vs. Aliens, 58,2 milljónir dala
2. The Haunting in Connecticut, 23 milljónir dala
3. Knowing, 14,7 milljónir dala
4. I Love You, Man, 12,6 milljónir dala
5. Duplicity, 7,6 milljónir dala
6. Race to Witch Mountain, 5,6 milljónir dala
7. 12 Rounds, 5,3 milljónir dala
8. Watchmen, 2,75 milljónir dala
9. Taken, 2,75 milljónir dala
10. The Last House on the Left, 2,6 milljónir dala

• 1 blogg um fréttina

Bloggað um fréttina

• Haukur Baukur: Landsfundir njóta vinsælda