Ólafur Ragnar hafði húmor fyrir sjálfum sér

Leikverkið Þú ert hér var frumsýnt í Borgarleikhúsinu á föstudagskvöldið. Eins og fram hefur komið er afar sérstakt verk þar á ferðinni, en um er að ræða háðsádeilu á ástandið í þjóðfélaginu í kjölfar bankahrunsins.

Fjölmargir fá sína sneið af gagnrýni í verkinu, svo sem útrásarvíkingarnir, Sjálfstæðisflokkurinn og neysluóðir Íslendingar. Þá er Ólafur Ragnar Grímsson einnig tekinn fyrir í einu fyndnasta atriði verksins, en svo skemmtilega vildi til að forsetinn var viðstaddur frumsýninguna á föstudaginn. Mun hann hafa hlegið dátt og haft mikinn húmor fyrir sjálfum sér.

Annars mæðir mikið á leikurunum í verkinu sem þurfa að drekka nokkra lítra af kóki meðan á því stendur. Verði sýningar margar er því ansi hætt við tannskemmdum á þeim bænum...