Keira Knightley beitt ofbeldi í auglýsingu

Breska leikkonan Keira Knightley verður fyrir hrottafengnu ofbeldi í nýrri auglýsingu sem er ætlað að vekja athygli á því alvarlega samfélagsmeini sem heimilisofbeldi er.

Í sjónvarpsauglýsingunni, sem góðgerðarsamtökin Women's Aid létu gera, sést kærasti hennar ráðast á hana með höggum og spörkum þegar hún kemur heim úr vinnunni.

Joe Wright leikstýrði auglýsingunni, en hann vann með Knightley við gerð kvikmyndarinnar Atonement, að því er fram kemur á vef BBC.

Knightley bendir á að ein af hverjum fjórum konum verði fyrir slíku ofbeldi einhverntímann á lífsleiðinni.

Auglýsinguna má sjá hér. Taka skal fram að hún er ekki fyrir viðkvæma.

• 1 blogg um fréttina

Bloggað um fréttina

• Amnesty International: Endum ofbeldi gegn konum