Íslandi spáð sæti í úrslitum Eurovision

Gestir á árlegum Eurovisionfagnaði í Retro bar í Lundúnum í gærkvöldi töldu ljóst að Jóhanna Guðrún kæmist áfram í úrslit Eurovision söngvakeppninnar í Moskvu í maí. Lag Jóhönnu Guðrúnar, Is It True? var í þriðja sæti þegar atkvæði höfðu verið greidd um lögin 18, sem keppa í fyrri undanúrslitunum 12. maí.

Um 200 Eurovisionaðdáendur komu saman á Retro barnum í miðborg Lundúna í gærkvöldi til að taka þátt í  Douze Points Eurovisionhátíðinni. Þeim var skipt í 18 dómnefndir, eina fyrir hvert land. Engri dómnefnd var leyft að greiða sínu landi atkvæði.

Norðurlöndin njóta greinilega vinsælda meðal gesta Retro barsins því  Waldo's People, fulltrúar Finna, fengu flest atkvæði og   Malena Ernman frá Svíþjóð næst flest. 

Retro bar mun 23. apríl fjalla um lögin 18 sem keppa í síðari undanúrslitunum og úrslitin verða síðan 7. maí.

Heimasíða Retro bar

• 1 blogg um fréttina

Bloggað um fréttina

• Kjartan Birgisson: Og tónlistarhúsið ekki tilbúið