Fengu áritaða ljósmynd af Saddam Hussein

Höfundar bandarísku þáttanna South Park, Matt Stone og Trey Parker, fengu afhenda ljósmynd af Saddam Hussein, fyrrum leiðtoga Íraks, áritaða af Hussein, frá bandarískum hermönnum.

Samkvæmt breska dagblaðinu Daily Telegraph var Saddam þvingaður til horfa á mynd þeirra Stone og Parker, South Park: Bigger, Longer And Uncut, í sífellu á meðan hann var í haldi hermanna Bandaríkjanna. Í myndinni er Hussein teiknaður, og sagður samkynhneigður elskhugi djöfulsins.

Stone sagði nýverið að hann væri stoltastur af árituðu myndinni. Hún væri einn af hápunktum ferils síns. Jafnframt sagði hann nokkuð fyndið að hugsa til þess að leiðtoginn fyrrverandi hefði horft á mynd sína aftur og aftur.

Saddam Hussein var líflátinn árið 2006.