Skilnaðurinn gæti kostað Gibson 60 milljarða króna

Skilnaður Mel Gibson og eiginkonu hans til 28 ára, Robyn Gibson, gæti kostað leikarann 320 milljónir punda, 60 milljarða króna, samkvæmt frétt Telegraph í dag. Robyn Gibson óskaði eftir skilnaði við eiginmanninn í Los Angeles í gær en þau gengu í hjónaband árið 1980. Segir Robyn að ástæða skilnaðarbeiðninnar sé óásættanlegur ágreiningur þeirra hjóna.

Einungis nokkrar vikur eru liðnar síðan náðist mynd af leikaranum faðma dökkhærða konu á strönd á Kosta Ríka. Orðrómur hefur verið uppi um að konan sé rússneski tónlistarmaðurinn Oksana, sem sást yfirgefa bústað leikarans þegar tökur stóðu yfir á kvikmyndinni The Edge of Darkness í Boston í ágúst á síðasta ári.

Auðævi Gibson eru metin á 640 milljónir punda og samkvæmt lögum Kaliforníuríkis á maki heimtingu á helmingi eigna við skilnað.

Robyn Gibson fer fram á forræði yfir yngsta barni þeirra hjóna, Tom, sem verður tíu ára gamall í apríl. Sex af börnum þeirra hjóna eru uppkomin. 

• 2 blogg um fréttina

Bloggað um fréttina

• Haukur Gunnarsson: Væri þá ekki gott að Íslendingur næði sér í konuna, …
• Kjartan Birgisson: Engin kreppa