Madonna datt af baki og meiddist

Poppstjarnan Madonna meiddist, þó ekki alvarlega þegar hún datt af hestbaki á Long Island í New York í Bandaríkjunum í gær. Að sögn talsmanns söngkonunnar fældist hesturinn þegar ljósmyndari reyndi að ná myndum af Madonnu.

Madonna, sem er fimmtug, var flutt á sjúkrahús í Southampton en fékk að fara heim eftir aðhlynningu. Hún var í heimsókn hjá vinafólki þegar óhappið varð. Hún var með hjálm og annan öryggisbúnað.

Madonna rif- og viðbeinsbrotnaði og handarbrotnaði þegar hún datt af hestbaki árið 2005.

• 2 blogg um fréttina

Bloggað um fréttina

• Kjartan Birgisson: Ekki að baki dottin.
• Jón Snæbjörnsson: Madonna datt af baki og meiddist