Viðræður um komu Lynch

Líkur eru á því að hinn kunni leikstjóri David Lynch, sem meðal annars leikstýrði kvikmyndunum Fílamanninum og Blue Velvet og sjónvarpsþáttunum Twin Peaks, komi til landsins um mánaðamótin næstu og haldi fyrirlestur um innhverfa íhugun.

Sigurjón Sighvatsson kvikmyndaframleiðandi hefur unnið að því að fá Lynch til landsins til að kynna hugmyndafræði sína fyrir Íslendingum. Er það trú Lynch að án innra jafnvægis sé útilokað að ná ytra jafnvægi á öllum sviðum.