Hákon Már Örvarsson eldar í Kanada

Hákon Már Örvarsson, margverðlaunaður meistari, mun matreiða í Winnipeg í Kanada síðar í vikunni á Wow! Hospitality veitingahúsinu og Terrace Fifty-Five.

Á vef Winnipeg Free Press kemur fram að Hákon muni frá fimmtudegi til sunnudags elda frumlega rétti sína í félagi við yfirmatreiðslumenn beggja staða. Tekið er fram að ferð Hákons til Winnipeg sé að frumkvæði skipuleggjenda Iceland Naturally markaðsherferðarinnar. 

Árið 2001 hlaut Hákon bronsverðlaunin í matreiðslukeppninni frægu Bocuse d´Or. Hákon nam matreiðslu í heimabæ sínum, Akureyri, og var yfirmatreiðslumaður á Hótel Holti um tíma áður en hann gerðist fyrst matreiðslumaður og síðan yfirmatreiðslumaður á hinu þekkta veitingahúsi Leu Linster í Luxembor. Hann hefur einnig starfað sem yfirmatreiðslumeistari hjá Vox.

• 1 blogg um fréttina

Bloggað um fréttina

• Óttarr Makuch: Verður gestur í Grafarholti