Íslandi spáð góðu gengi í Moskvu

Íslenski Eurovisionhópurinn hélt í morgun af stað áleiðis til Moskvu en Jóhann Guðrún Jónsdóttir syngur þar í fyrri undanúrslitum keppninnar 12. maí. Veðbankar virðast spá Jóhönnu Guðrúnu góðu gengi. Vilji menn veðja á lagið hjá William Hill eru líkurnar taldar 12 á móti einum að það sigri í undanúrslitunum og aðeins fjórar þjóðir eru taldar líklegri: Tyrkir, Maltverjar, Svíar og Bosníumenn.

Þá telur veðbankinn líkurnar á sigri Íslands í keppninni vera 25 á móti einum en sömu líkur eru taldar á að Svíar, Maltverjar, Frakkar og Þjóðverjar sigri. Norðmenn eru taldir sigurstranglegastir en á eftir þeim koma Grikkir, Tyrkir, Bretar, Úkraínumenn, Bosníumenn og Aserar.

Þýska lagið þótti lengi vel lítt sigurstranglegt en þegar fréttir bárust af því að nektardansmærin Dita von Teese hefði bæst í þýska hópinn jukust sigurlíkur lagsins til muna, að mati stjórnenda William Hill. Voru líkurnar hækkaðar snarlega úr 250 á móti einum í 25 á móti 1.

William Hill

• 4 blogg um fréttina

Bloggað um fréttina

• Tryggvi Þórarinsson: Hei Norge og ísland í annað sætið
• Jenný Anna Baldursdóttir: Ég er glötuð!
• Haraldur Haraldsson: Íslandi spáð góðu gengi í Moskvu///höfum við heyrt þetta áður????
• Ía Jóhannsdóttir: Rússland á lista yfir þau lönd sem okkur langar að …