Norskar hjólhýsakonur á leið til landsins

Fimm norskar hjólhýsakonur, sem setja munu sterkan svip á Listahátíð í Reykjavík, eru nú á leið til landsins. Var þeim skipað út í Árósum þaðan sem þeim verður siglt sem leið liggur til Íslands. Von er á hjólhýsakonunum til landsins undir lok næstu viku, að því er segir í tilkynningu.

Þar kemur jafnframt fram að norsku hjólhýsakonurnar séu verk listakonunnar Marit Benthe Norheim sem hafi vakið mikla athygli á Norðurlöndunum og víðar. Skúlptúrarnir muni meðal annars prýða Austurvöll laugardaginn 16. maí og verða þar til sýnis, bæði að innan og utan, samhliða öðrum áhugaverðum listviðburðum sama dag.

Þá verða hjólhýsakonurnar víða á reiki um bæinn meðan á Listahátíð stendur, eða til 31. maí.

Einnig kemur fram að nýlega hafi Marit Benthe Norheim hlotið heiðursverðlaun sem kennd séu við Marie og Victor Haagen Mullers-sjóðinn. Verðlaunin séu ein virtustu menningarverðlaunin sem veitt eru í Skandinavíu

• 2 blogg um fréttina

Bloggað um fréttina

• Róbert Tómasson: Flottar konur
• Jón Snæbjörnsson: Var þeim skipað út í Árósum