Ástarverkfall olli streitu

Kenýamaðurinn James Kimondo hefur höfðað mál gegn aðgerðasinnum sem hvöttu konur til að mótmála stjórnmálaástandinu í landinu með því að neita eiginmönnum sínum um ástarleiki. Segist hann hafa þjáðst af ,,angist, streitu, bakverk og skorti á einbeitingu" vegna bannsins.

Kimondo sagði að samtökin Þróun kvenna hefðu ,,gripið inn í hamingjusamt hjónaband hans" og krafðist skaðabóta sem ekki hafa verið nákvæmlega tilgreindar.

  Ekki er ljóst hve margar konur tóku þátt í ástarverkfallinu sem lauk á miðvikudag, að sögn BBC. Eiginkona Raila Odinga forsætisráðherra studdi verkfallið og sagði að stjórnmálamenn væru að hundsa þarfir venjulegra borgara með þrætum sínum.

• 2 blogg um fréttina

Bloggað um fréttina

• Sóldís Fjóla Karlsdóttir: Hvert þó í logandi .....
• Guðmundur Júlíusson: Spurning hvort kynlífsverkfall virki betur en mótmæli á Austurvelli!