Voru að farast úr spenningi

„Við vorum gjörsamlega að farast úr spenningi,“ sagði Óskar Páll Sveinsson höfundur framlags Íslands í Söngvakeppni evrópskra sjónvarpsstöðva í kvöldfréttum RÚV eftir fyrri undankeppnina, sem fór fram í Moskvu í kvöld.

„Spennan var orðin alveg fáránleg. Það á ekki að gera manni þetta að vera í síðasta umslaginu. Þetta var aðeins of mikið,“ sagði Óskar Páll í samtali við Sigmar Guðmundsson, og vísaði til þess að Ísland var 10. og síðasta þjóðin sem var kölluð upp í höllinni í Moskvu í kvöld.

„Þetta var æðislegt,“ sagði Jóhanna Guðrún Jónsdóttir eftir að úrslitin höfðu verið kunngjörð. „Ég var alveg að fara á taugum. Þetta var mikill léttir,“sagði hún í kvöldfréttum Sjónvarpsins.

„Ég gæti ekki verið ánægðari,“ bætti hún við.

• 1 blogg um fréttina

Bloggað um fréttina

• Guðjón Petersen: Frábær frammistaða