Eurovision-keppandi skelkaður

„Ég var skelkaður en hef það nú fínt,“ sagði danski Eurovision-farinn Niels Brinck við DR eftir síðara undankeppniskvöldið í keppninni í Moskvu í gærkvöldi. Og af hverju var hann svona hræddur? Jú, búið var að kjósa sex Austur-Evrópulönd upp úr hattinum áður en kom að honum. Það voru Aserbaídjan, Króatía, Úkraína, Litháen, Albanía og Moldóva.

Brinck telur að lag hans, Believe Again, vaxi í huga fólks við frekari hlustun.

Úrslitakeppni Eurovision hefst klukkan sjö á laugardagskvöld. En klukkan 16.35 þennan sama dag verður upptaka frá opnunarhátíð Söngvakeppni evrópskra sjónvarpsstöðva sem fram fór í Moskvu á sunnudagskvöld sýnd. Þar koma fram gamlar og nýjar Eurovision-stjörnur, meðal annars Carola frá Svíþjóð, Ruslana frá Úkraínu, Dana International sem söng fyrir Ísrael 1998 og Dima Bilan, rússneski söngvarinn sem vann í fyrra og keppti í Aþenu í Grikklandi 2006.

• 3 blogg um fréttina

Bloggað um fréttina

• Guðmundur Fannar Kristjánsson: Slitið úr samhengi!!
• Jenný Anna Baldursdóttir: Vindvélaheilkennið aftur
• Brosveitan - Pétur Reynisson: Hera hefði komið fyrst upp úr umslögunum