Hvíti borðinn fékk Gullpálmann

Kvikmynd austuríska leikstjórans Michael Haneke, Das Weisse Band eða Hvíti borðinn, vann nú fyrir skemmstu Gullpálmann á kvikmyndahátíðinni í Cannes. Mynd Haneke hafði betur í baráttu við myndir frá mörgum öðrum leikstjórum, meðal annars Quentin Tarantino,  sem margir töldu sigurstranglegann.

Þetta var tilkynnt nú fyrir skemmstu á verðlaunakvöldi hátíðarinnar. Haneke hefur áður leikstýrt myndunum The Piano Teacher, Code Unknown og Hidden.

Austuríski leikarinn Christoph Waltz, sem helst er þekktur fyrir að leika á sápuóperuþáttum í Austurríki og Þýskalandi, fékk verðlaun sem besti leikari í aðalhlutverki, fyrir leik sinn í mynd Quentin Tarantino, Inglourious Basterds.

Franska leikkonan Charlotte Gainsbourg fékk verðlaun sem besta leikkona í aðalhlutverki fyrir leik sinn í mynd Lars Von Trier, Antichrist.