Æxli fjarlægt úr söngvara Depeche Mode

Illkynja æxli var fjarlægt úr þvagblöðru David Gahan, söngvara bresku hljómsveitarinnar Depeche Mode. Hljómsveitin var á tónleikaferðalagi um Evrópu fyrr í mánuðinum þegar Gahan veiktist og var fluttur á sjúkrahús í Grikklandi. 

Fyrst var talið, að Gahan þjáðist af meltingartruflunum en við rannsóknir kom í ljós að hann var með krabbameinsæxli í þvagblöðru. Fram kemur í yfirlýsingu frá hljómsveitinni í dag, að æxlið hafi verið fjarlægt, aðgerðin hafi tekist vel og búist sé við að Gahan nái sér að fullu. Hann muni hins vegar taka sér frí til 8. júní en tónleikaferðinni verði síðan haldið áfram í Leipzig í Þýskalandi. 

• 1 blogg um fréttina

Bloggað um fréttina

• Stefán Þór Steindórsson: Enn og aftur copy/paste villa hjá mbl.is