Dóttir Cher vill verða karl

Chastity Bono hyggst undirgangast kynskiptiaðgerð í því skyni að verða karlmaður. Chastity Bono fæddist stúlka, en foreldrar Bono eru Sonny og Cher. Frá þessu er greint á fréttavef Yahoo.

Haft er eftir umboðsmanni Chastity Bono að „hann hafi tekið þá hugrökku ákvörðun að heiðra sinn innri mann.“Bono byrjaði í undirbúningsmeðferð fyrir aðgerðina fyrr á þessu ári. Útgefandinn Howard Bragman segir Bono stoltan af ákvörðun sinni og að hann vonist til þess  „að val hans um þessa umbreytingu megi snerta almenning.“

Chastity Bono er um fertugt. Hann hefur starfað sem rifhöfundur, aðgerðarsinni og tekið átt í raunveruleikasjónvarpi. Hann kom út úr skápnum fyrir tuttugu árum. Hann hefur verið virkur í réttindabaráttu samkynhneigðra síðan 1995. Bono hefur skrifað tvær sjálfsævisögulegar bækur um ævina.

Söngkonan Cher er móðir Chastity Bono. LUCY NICHOLSON

• 1 blogg um fréttina

Bloggað um fréttina

• Jóhannes Ragnarsson: Chasatítu Bónó vantar föður - en því verður kippt í …