Brennið þið, vitar! á Dalatanga

Brennið þið, vitar! er myndlistarsýning í fjórum vitum umhverfis landið. Þaðan eru send leiftur í ýmsar áttir, meðal annars hingað á  mbl.is. Í dag beinist ljósið að Unnari Erni, sem sýnir í Dalatangavita á Austfjörðum.

Unnar Örn skoðar þær hefðir og venjur sem mótast hafa í skrásetningu fólks á umhverfi sínu. Hann þræðir stofnanir og söfn og notar innviði þeirra í verk sem draga dám af uppröðun og flokkun raunveruleikans.

Þegar hann setti upp sýninguna „Coup d’;;;;;;;;;Etat” í Suðsuðvestur árið 2007 vann hann í samstarfi við minjasafn Reykjanesbæjar og skeytti saman á eftirminnilegan máta staðbundinni menningararfleifð og táknmyndum nýfrjálshyggjunnar.

Sýning Unnars verður í Dalatangavita, sem er á fáförnum en ægifögrum slóðum út af Mjóafirði á Austfjörðum. Unnar Örn er fæddur árið 1974 og nam myndlist í Reykjavík og Malmö.

Sýningin  er verkefni Listahátíðar í Reykjavík 2009, unnið í samstarfi  við Siglingastofnun Íslands og menningarfulltrúa viðkomandi  sveitarfélaga. Með sýningarstjórn fara Markús Þór Andrésson og Dorothée
Kirch.

• 2 blogg um fréttina

Bloggað um fréttina

• Frikkinn: Vitar á Íslandi
• Sæmundur Bjarnason: 734 - Brennið þið vitar, brennið. Ef þið nennið