Harry Potter leikari með svínaflensu
Setja bókamerki
Leikarinn ungi Rubert Grint sem frægastur er fyrir hlutverk sitt sem Ron Weasly í Harry Potter kvikmyndunum hefur smitast af svínaflensu, aðeins þremur dögum fyrir frumsýninguna á nýjustu Harry Potter myndinni í London.
Að sögn talsmann hans hefur Grint þurft að taka sér nokkurra daga frá frá tökum á næstu mynd í seríunni, „Harry Potter and the Deathly Hallows“, vegna veikindanna en fullyrt er að hann muni eftir sem áður slást í för með meðstjörnum sínum á rauða dreglinum í tilefni frumsýningarinnar á fimmtudag.
„Það staðfestist hér með að Rubert Grint hefur tekið sér nokkurra daga frí frá tökum vegna vægra einkenna svínaflensu,“ segir í tilkynningu frá talsmanni hans.
„Hann er hinsvegar á batavegi og hlakkar til að hitta meðleikara sína aftur á frumsýningunni auk þess sem hann mun snúa aftur í settið strax í kjölfarið.“
Tökur á kvikmyndinni hafa að sögn ekki tafist vegna fjarveru hins tvítuga leikara.
Fjórir hafa nú látist af völdum svínaflensuveirunnar A (H1N1) í Bretlandi og þar eru flest tilfelli staðfest af öllum Evrópulöndum, eða 7.500. Bresk yfirvöld vöruðu við því í vikunni að sú tala gæti hækkað upp yfir 100.000 manns fyrir lok ágúst.
Harry Potter and the Half-Blood Prince verður frumsýnd víðast hvar í Evrópu þann 15. júlí næstkomandi, þar á meðal á Íslandi.
Úlfar: Heppileg tímasetning á gosinu
Hluti bílastæðis undir hraun: Ómögulegt að meta tjón
Maskína: Framsókn í fallbaráttu
Mæðgur dæmdar til að greiða 64 milljónir
Virknin dregist saman um 600 metra
Hótar Bretum og Bandaríkjamönnum
Litlar líkur á að hraunið nái til mannvirkja