Jessica Simpson ein á ný

Bandaríska söngkonan Jessica Simpson og fótboltakappinn Tony Romo eru nú sögð hafa slitið tæplega tveggja ára sambandi sínu. Er Romo sagður hafa sagt stúlkunni upp nokkrum dögum fyrir 29 ára afmælisdag hennar.  

„Hún er niðurbrotin. Hún elskar Tony en þau hafa átt erfitt að undanförnu. Hann er upptekinn af ferli sínum og hún er að búa sig í að taka upp sjónvarpsþáttinn ‘The Price of Beauty’. Þau ákváðu að fara hvort sína leið,” segir ónefndur heimildarmaður. „Þau voru góð saman í langan tíma en ég geri ráð fyrir að það hafi ekki átt að verða.” 

Sögusagnir hafa verið á kreiki um sambandsslit þeirra frá því Jessica aflýsti fyrirhuguðu Barbie afmælisboði sínu. Á Twitter síðu sinni skrifaði hún:  „Það varð ekkert af Barbie en ég varð 29 ára og mér líður eins og ég sé á toppi tilverunnar þar sem ég hrópa: Ég elska að að eldast.”

• 2 blogg um fréttina

Bloggað um fréttina

• Jenný Anna Baldursdóttir: Sjö sinnum samfarir
• Axel Jóhann Hallgrímsson: Æ,æ mig auman