Nafnatilviljun leiddi til trúlofunar

Bandarískt par sem ber sama sérnafn og föðurnafn, kynntist í gengum samskiptavefinn Facebook og er hjónaband næst á dagkránni.

Hinni tvítugu Kelly Katrina Hildebrandt, leiddist eitt aprílkvöldið í fyrra og ákvað að setja nafn sitt í leit á vefsíðunni Facebook. Upp kom eitt nafn, Kelly Carl Hildebrandt, 24 ára í Lubbock Texas og hún ákvað að senda honum skilaboð.

Kelly, en stúlkan er frá Miami á Florida, segist fullviss um atburðarásin hafi verið tímasett af Guði.

AP hefur eftir kærastanum Kelly, að fyrstu skilaboðin hafi verið: "Hæ. Við heitum sama nafni. Mér fannst það snilld." Honum fannst stúlkan álitleg en hafði áhyggjur af því að þau gætu verið skyld.

Eitt leiddi af öðru og áður en varði, voru þau í daglegum síma- og tölvusamskiptum. Strákurinn Kelly kolféll svo fyrir stúlkunni Kelly þegar hann heimsótti hana til í Flórída.

Í desember fann stúlkan svo trúlofunarhring í fjársjóðskistu, sem hann hafði falið á ströndinni. Strákurinn Kelly viðurkennir að honum hefði aldrei dottið í hug að þetta færi svona langt.

Gifting er ráðgerði í október og þau hafa heitið hvort öðru að ekkert barna þeirra komi til með að bera nafnið Kelly.

• 1 blogg um fréttina

Bloggað um fréttina

• Pálmi Freyr Óskarsson: Couple with the Same Name to Wed