Páll Óskar ekki með í gleðigöngu

Páll Óskar Hjálmtýsson verður ekki með atriði á gleðigöngunni niður laugaveginn á Hinsegin dögum á morgun. Hann segist ætla að horfa á hana af gangstéttinni og njóta þess að horfa á en lofar að koma sterkur inn í gönguna á næsta ári.

„Ég kaus að vera ekki með í göngunni í ár því mér var boðið að vera með tónleika með Hjaltalín á opnunarhátíðinni og svo syng ég á Arnarhóli eftir gönguna og sé um Gay pride ballið á Nasa um kvöldið og það er alveg nóg!" sagði Páll Óskar í samtali við mbl.is

Nánar verður fjallað um Gleðigönguna í Morgunblaðinu á morgun.

• 3 blogg um fréttina

Bloggað um fréttina

• Sveinbjörg Inga Lind: Tja, hann er að minnsta enn hýr og kátur!
• Jenný Anna Baldursdóttir: Aðalgesturinn ómissandi
• Gísli Foster Hjartarson: Ath.: Ganga verður samt á sínum stað!!!