Jackson lifandi?

Mynd­skeið, sem sagt er sýna Michael Jackson stíga út úr lík­bíl í Los Ang­eles eft­ir dauða hans, fer nú um netið. Mun þetta án efa styrkja málstað þeirra sam­særis­kenn­inga­smiða, sem telja að dauði Jacksons hafi verið sviðsett­ur og hann sé enn á lífi og við góða heilsu. 

Að sögn Sky sjón­varps­stöðvar­inn­ar virðist mynd­skeiðið vera tekið í bíla­geymslu og sýn­ir manni vera fylgt út úr hvít­um sendi­ferðabíl og gegn­um dyr. Maður­inn er með svipaðan vöxt og hár og Jackson en and­lit hans sést aldrei.   

Sá sem setti mynd­skeiðið á vefsvæðið Live Leak seg­ist hafa fengið það frá „trú­verðugum heim­ild­ar­manni." Seg­ir á vefn­um, að mynd­skeiðið sýni að Jackson hafi enn verið á lífi eft­ir að lík hans var sagt vera flutt í hús­næði rétt­ar­læknisembætt­is Los Ang­eles.  

„Ég bar sam­an núm­erið á bíln­um og það virðist vera að kon­ung­ur popps­ins sé að hoppa út úr sama bíln­um og lík hans var flutt í."  

En bíl­núm­erið sést ekki á mynd­un­um og eng­in dag­setn­ing er á mynd­skeiðinu. 

Jafn­vel not­end­ur Live Leak, sem er gróðrar­stía fyr­ir lang­sótt­ar sam­særis­kenn­ing­ar, hafa mikl­ar efa­semd­ir.

„Michael Jackson, El­vis, 2Pac og Biggie eru all­ir sam­an að búa til tónlist. Ég mun birta mynd­ir af því síðar," seg­ir einn les­and­inn.   

Staðfest var fyrr í vik­unni, að krufn­ing hafi leitt í ljós að Jackson lést 25. júní af völd­um of stórs skammts af svefn­lyf­inu propof­ol. 

Mynd­skeiðið

• 7 blogg um frétt­ina

Bloggað um frétt­ina

• Þórður Guðmunds­son: Lík­ast til al­veg ótengt Jackson
• Stefán Friðrik Stef­áns­son: Lif­ir Jackson eft­ir dauðann eins og Presley?
• Sig­urður Gunn­ars­son: Flutt­ur til Presley!
• Þórkatla Snæ­björns­dótt­ir: Nú þarf ég ekki leng­ur að borga leigu...........?
• Dag­ur Björns­son: Rugl!
• Krist­inn Snæv­ar Jóns­son: Nú­tíma­líf eft­ir dauðann
• Linda litla: Dead or ali­ve ???