Húsaleigan lækkuð vegna salernisferða nágrannans

Þýskur dómstóll hefur úrskurðað að lækka eigi um 10 prósent húsaleiguna hjá þýsku pari sem býr í fínu hverfi í Berlín. Ástæðan fyrir lækkuninni er sú að parið heyrir í athöfnum nágrannans á salerninu.

Fjölmiðlar í Þýskalandi greina frá því að parið, Peter og Susana Keller, hafi fengið sérfræðing til þess að mæla hljóðin sem þeim þóttu greinileg og pirrandi.

„Ég er ánægður með úrskurðinn en hann leysir ekki sjálft vandamálið. Það var ekki bara hljóðið sem er vandamál, heldur sú staðreynd að við vitum hvaðan það kemur, í smáatriðum. Það var hræðilegt að hlusta á þetta þegar við sátum og snæddum kvöldverð,“ sagði Peter Keller meðal annars við fjölmiðla.

• 2 blogg um fréttina

Bloggað um fréttina

• Halldór Jóhannsson: Ég líka...
• Frikkinn: Þó að það rauli glaðlega í skálinni