Kayne baðst afsökunar

Bandaríski rapparinn Kanye West hefur boðist afsökunar á hegðun sinni þegar myndbandaverðlaun sjónvarpsstöðvarinnar MTV voru veitt í New York í gærkvöldi.

Rapparinn rauk upp á svið þegar sveitasöngkonan Taylor Swift tók við verðlaunum fyrir besta myndband söngkonu. Lýsti Kanye því yfir, að Beyoncé hefði átt að fá verðlaunin. Beyoncé fékk raunar verðlaun í öðrum flokki og hún bauð Swift upp á svið þegar hún tók við verðlaununum.

Margir helstu popptónlistarmenn nútímans voru viðstaddir verðlaunaafhendinguna. Michaels Jacksons, sem lést í sumar var minnst með ýmsum hætti  og sagði Madonna m.a. að sér þætti að hún hefði „yfirgefið" Jackson. Janet systir Jacksons var meðal þeirra sem komu fram á hátíðinni.

Meðal annarra verðlaunahafa voru  Britney Spears, Green Day, Eminem og  Lady Gaga.

• 1 blogg um fréttina

Bloggað um fréttina

• Stefán Friðrik Stefánsson: Kanye West missir niður um sig á MTV