Patrick Swayze látinn
Setja bókamerki
Bandaríski leikarinn Patrick Swayze er látinn eftir baráttu við krabbamein í brisi. Swayze greindist með meinið í janúar á síðasta ári. Fyrst um sinn gekkst hann undir lyfjameðferð en gafst upp á þessu ári, þegar læknar tjáðu honum að ekkert gæti stöðvað útbreiðslu krabbameinsins.
„Fimm ár eru óskhyggja. Tvö ár eru líklegri ef maður tekur mið af allri tölfræði,“ sagði Swayze í viðtali sem tekið var við hann í janúar síðastliðnum. Í apríl hóf hann svo að kveðja fjölskyldu og vini. Þá hafði krabbameinið breiðst út í lifur hans og „niðurtalningin hófst,“ eins og svo smekklega var haft eftir heimildarmanni bandaríska tímaritsins National Enquirer.
Patrick Swayze lék í kvikmyndum á borð við Dirty Dancing, Ghost og Road House. Árið 1991 var hann kosinn kynþokkafyllsti karlmaður veraldar af lesendum tímaritsins People.
Eftir að greint var frá láti Swayze sendi bandaríska leikkonan Whoopi Goldberg, sem lék á móti Swayze í Ghost, frá sér yfirlýsingu. „Patrick var virkilega hjartahlýr, fyndinn og ég mun aldrei geta greitt til baka það sem hann gaf mér. Ég trúi hjartanlega á skilaboð kvikmyndarinnar Ghost, þannig að hann verður alltaf nærri.“
Erlendir miðlar greina frá tíunda gosinu
Á algjöru frumstigi eftir þrjár vikur af verkfalli
Gosið gæti varað lengur: Meiri fyrirstaða í gosrásinni
Sparnaður heimila vex meira en áður var talið
Einar skorar á næstu ríkisstjórn
Borgin verður af milljörðum eftir dóm Hæstaréttar
Spara stórfé með olíukaupum ytra
Óttast að fólk fari aftur að eyða peningum