Raggi Bjarna býður öllum í afmæli

Ragnar Bjarnason verður 75 ára næstkomandi þriðjudag og í tilefni þess býður hann landsmönnum upp á afmælistertu og kaffi í anddyri nýju Laugardagshallarinnar klukkan 16.

Ragnar ætlar að syngja nokkur lög fyrir afmælisgesti og von er á nokkrum góðum gestum sem ætla að taka lagið með afmælisbarninu. Þorgeir Ástvaldsson sér um veislustjórn. Sama dag kemur út platan Komdu í kvöld sem inniheldur 69 bestu lög Ragnars á þremur geislaplötum.

Afmælistónleikar Ragnars fara fram í Laugardalshöll laugardaginn 26.september og er uppselt á seinni tónleikana en ennþá er hægt að fá miða á tónleikana kl 16 sama dag. Umgjörð tónleikanna verður hin glæsilegasta og fram koma landsliðsmenn í söng og hljóðfæraleik. 

• 1 blogg um fréttina

Bloggað um fréttina

• Gunnar Th. Gunnarsson: Ergonomics - Vinnuvistfræði