Sean Connery í Indiana Jones

Leikarinn Sean Connery ætlar að taka þátt í næstu Indiana Jones mynd en hann tók ekki þátt í þeirri síðustu. Connery fór með hlutverk Henry Jones, föður fornleifafræðingsins Indiana Jones, í þriðju myndinni um fornleifafræðinginn. Áður hefur komið fram að Harrison Ford muni leika Indiana Jones í næstu mynd sem er sú fimmta í röðinni.

Samkvæmt heimildum Bang Showbiz hefur Steven Spielberg unnið að handritinu með George Lucas að undanförnu og samkvæmt því sé gert ráð fyrir endurkomu Henry Jones.

Fyrsta myndin um Jones, Indiana Jones and the Raiders of the Lost Ark, kom út árið 1981, eða fyrir 28 árum. Hinar komu 1984, 1989 og svo 2008.

„Steven Spielberg, George Lucas og ég sjálfur höfum ákveðið um hvað nýjasta myndin eigi að fjalla, hvernig sagan verði, og George er nú þegar farinn að skrifa,“ sagði Ford fyrr í vikunni. „Ef handritið verður gott mun ég fara í búninginn að nýju með glöðu geði.“

• 1 blogg um fréttina

Bloggað um fréttina

• Sigurður Gunnarsson: Sem pabbi og afi, eða afi og langafi?