David Beckham vill eignast dóttur

Haft er eftir David Beckham að dregið hafi úr eigingirninni við það að verða faðir. Fótboltastjarnan sem á þrjá syni, Brooklyn tíu ára, Romeo sjö ára og Cruz fjögurra ára, með Victoriu konu sinni, viðurkennir að hafa verið fullkomlega upptekinn af  sjálfum sér áður en Brooklyn fæddist í mars 1999. Núna gangi strákarnir framar öllu.

David segir: "Áður var ég eigingjarn – það eru það allir. Það er ekki fyrr en maður fer að eiga börn sem maður áttar sig á þeim breytingum sem verða á lífi manns og að það verði algjört forgangsatriði að sjá til þess að það sé allt í lagi með þau og að þau séu ánægð. Ég og Victoría erum bæði mjög upptekin í starfi og sem einstaklingar. En það er ekkert sem jafnast á við það að verða faðir. Drengirnir eru það besta í lífi okkar og við myndum gera hvað sem væri fyrir þá.”

Hinn þrjátíu og fjögurra ára gamli David lét nýlega hafa eftir sér að hann dauðlangaði í dóttur þar sem hann dreymdi um að synir sínir ættu systur.

“Mig langar til að eignast fleiri börn og ég vona að af því verði fljótlega. Mig langar í litla stúlku. Það væri frábært.”

• 2 blogg um fréttina

Bloggað um fréttina

• Jenný Anna Baldursdóttir: Við gerum samning Moggi góður - Kapíss?
• Gísli Foster Hjartarson: Aettleiding framundan?