Noomi Rapace fær stórt kvikmyndahlutverk

Sænska leikkonan Noomi Rapace, sem leikur Lisbeth Salander í kvikmyndum eftir bókum Stieg Larssons, hefur fengið tilboð um að leika stórt hlutverk í alþjóðlegri spennumynd, sem verið er að undirbúa. Meðal annarra leikara eru Mads Mikkelsen, Harvey Keitel, Timothy Dalton och Elliot Gould.

„Þetta er frábært. Barthélémy Grossmann (leikstjóri myndarinnar) kom til Stokkhólms með handritið. Ég hafði ekki sjálf leitað eftir þessu hlutverki og þess vegna er auðveldara að koma inn í svona stóra alþjóðlega framleiðslu, einkum þegar leikstjórinn vill endilega hafa mann með," hefur Dagens Nyheter eftir Rapace.

Fram kemur að hún hefur átt fundi með leikstjóranum í París.

Myndin á að heita Clean out, er sögð vera svört hasarkómedía og fjalla um samvinnu ítölsku og rússnesku mafíunnar í New York við peningaþvætti. En þegar rússneskur milliliður er myrtur kemur til uppgjörs. 

• 1 blogg um fréttina

Bloggað um fréttina

• Elín Sigríður Grétarsdóttir: hallærislegt